Fróðleikur

IceBAN leggur áherslu á að byggja upp fræðslu og miðla þekkingu um englafjárfestingar og vistkerfi nýsköpunar – bæði fyrir nýja og reynda fjárfesta, sem og sprotafyrirtæki. Markmiðið er að styðja við upplýstar ákvarðanir og bæta tengsl milli lykilaðila í vistkerfinu.

Við erum nú að þróa okkar eigið fræðsluefni sem byggir á íslensku samhengi og reynslu úr starfi samtakanna. IceBAN hlaut nýverið styrk úr Örvar-sjóði nýsköpunarráðuneytisins sem gerir okkur kleift að stórefla þetta starf.

Á næstu mánuðum munum við birta fjölbreytt og hagnýtt efni – bæði fyrir fjárfesta og frumkvöðla – og bjóða upp á sérhæfða fræðsluviðburði víða um land.

Myndband

Reynslusögur úr íslensku nýsköpunarumhverfi

Í þessu myndbandi deila fjórir englafjárfestar reynslu sinni af því hvernig þau tóku sín fyrstu skref sem englar, hvað englafjárfestingar fela í sér og hvað skiptir máli þegar fjárfest er í sprotafyrirtækjum á fyrstu stigum.

Myndbandið er hluti af fræðsluefni IceBAN og er ætlað þeim sem vilja skilja betur hlutverk englafjárfesta í íslensku nýsköpunarumhverfi, kynnast ferlinu á mannamáli og sjá hvernig ólík reynsla, tengsl og fjármagn geta stutt við uppbyggingu nýrra fyrirtækja.

Grein

Englafjárfestingar 101 - verðmat, eignarhlutur og eignarhald

Englafjárfesting er fjárfesting einstaklings í ungu, óskráðu fyrirtæki sem er yfirleitt á fyrstu stigum vaxtar.

Grein

Englafjárfestingar 101 - að meta tækifærið

Englafjárfesting er fjárfesting einstaklings í ungu, óskráðu fyrirtæki sem er yfirleitt á fyrstu stigum vaxtar.

Grein

Englafjárfestingar 101 - fyrstu skrefin

Englafjárfesting er fjárfesting einstaklings í ungu, óskráðu fyrirtæki sem er yfirleitt á fyrstu stigum vaxtar.

Spurt og svarað

Hver getur orðið englafjárfestir?

Hver sá sem hefur fjármagn, áhuga á nýsköpun og viljan til að taka þátt í þróun sprotafyrirtækja getur orðið englafjárfestir. Það þarf ekki að vera sérfræðingur – það skiptir meira máli að vera með sterka fjárhagslega stöðu, forvitin(n), tilbúin(n) að læra og leggja sitt af mörkum.

Hversu miklu þarf að fjárfesta?

Englafjárfestar fjárfesta oft á bilinu 1–20 milljónir króna í einstaka fyrirtækjum. Fjárhæðirnar eru mismunandi eftir eðli verkefna og því hvort fjárfest er einn eða í hópi.

Hvernig finn ég tækifæri til að fjárfesta í?

Með því að skrá þig hjá IceBAN færðu aðgang að verkefnum sem hafa farið í gegnum skimun. IceBAN heldur einnig kynningarviðburði þar sem frumkvöðlar kynna verkefni sín fyrir áhugasömum fjárfestum.

Hvernig undirbý ég mig fyrir fjárfestingu?

Ef þú ert frumkvöðull:

Það er mikilvægt að hafa skýra sýn á hugmyndina, teymið, markaðinn og hvernig fjármagnið á að nýtast. IceBAN veitir leiðsögn og endurgjöf á kynningar og fjárfestingargögn áður en verkefni fara fyrir fjárfesta á pitch viðburðum samtakanna.

Ef þú ert fjárfestir:

Sem nýr englafjárfestir er gott að kynna sér hvernig englafjárfestingar virka – þar með talið áhættu, tímalínu og hvernig best er að meta verkefni. Við mælum með að byrja á því að taka þátt í fræðslu IceBAN og kynna sér verkefni í gegnum kerfið áður en tekin er ákvörðun um að fjárfesta.

Hvað þurfa sprotar að hafa tilbúið áður en þeir leita til fjárfesta?

Gott er að vera með vel skilgreinda hugmynd, teymi með hlutverkum, markaðsgreiningu og raunhæfa fjármögnunaráætlun. Ekki síst er mikilvægt að vera opin/n fyrir spurningum og lærdómi í ferlinu.

Hvað felst í því að vera „virkur engill“?

Virkur englafjárfestir tekur þátt umfram fjármögnun – veitir ráðgjöf, tengir frumkvöðla við aðra aðila og styður þá í gegnum vaxtarferlið. Þetta er samspil þekkingar, tengsla og trú á verkefnið.

Vilt þú leggja spennandi verkefnum lið með fjármagni?

Komdu með á næsta félagsviðburð og fáðu að kynnast öðrum fjárfestum og spennandi verkefnum

Sækja um aðild