Lykillinn að sterkari vettvangi
Samstarfsaðilar IceBAN eru fyrirtæki og stofnanir sem sjá tækifæri í því að tengjast frumkvöðlum og englafjárfestum – og leggja sitt af mörkum til að efla vistkerfið í kringum nýsköpun og fjárfestingar.
Þeir veita samtökunum dýrmætan stuðning, hvort sem er í formi þekkingar, tengslanets eða þátttöku í viðburðum og fræðslu. Með öflugu samstarfi verður til jarðvegur þar sem góðar hugmyndir fá að þroskast og verkefni ná flugi.
Tengingar, þekking og áhrif
Samstarfsaðilar IceBAN eru reynslumiklir aðilar úr íslensku atvinnulífi sem leggja samtökunum til verðmæta innsýn, tengsl og sérþekkingu. Þeir gegna lykilhlutverki í að efla starfsemi IceBAN og styðja við uppbyggingu fjárfestingaumhverfis á Íslandi.
Í gegnum samstarfið fá þeir jafnframt aðgang að nýjum tengingum, verkefnum í mótun og dýrmætri innsýn inn í heim englafjárfestinga.
Með þátttöku sinni taka þeir virkan þátt í að byggja öflugt vistkerfi þar sem hugmyndir, fjármagn og reynsla mætast – og mynda grunn að nýsköpun og verðmætasköpun í íslensku atvinnulífi.